முகநூல் - இன்ஸ்டாகிராம் - whatsapp இதனுடைய தலைமை நிர்வாகமான மெட்டா உலகெங்கிலும் அதிக சமூக வலைதள கணக்குகளை கையாள்வதும் வருமானம் ஈட்டுவதும் எல்லோரும் அறிந்ததே. கடந்த முறை அரசுக்கு எதிரான செய்திகளை இருட்டடிப்பு செய்வதும், தனக்கு வேண்டியவர்களிடம் திரை மறைவாக பெருந் தொகையை பெற்றுக் கொண்டு ஆதரவான கருத்துக்களை உருவாக்கியதாக அமெரிக்க அதிபர் தேர்தலிலே முடிவுகளுக்குப் பிறகு விவாதிக்கப்பட்டு நீதிமன்றம் தலையீடு செய்து கூகுள், facebook உள்ளிட்ட இன் பிற நிறுவன தலைமை அதிகாரிகளிடம் விசாரணை செய்து அறிக்கை சமர்ப்பித்தது தண்டத்தொகை விதித்ததும் எல்லோரும் அறிந்ததே.
எல்லா நாடுகளிலும் அந்தந்த நாடுகளுடைய ஆளுங்கட்சி சட்ட வரைமுறைகளுக்கு உட்பட்டு மிகப்பெரிய லாபத்தை ஈட்டு வரும் இந்த சமூக வலைதள நிறுவனங்கள், இப்போது இழப்புகளை சந்திக்கிறது. அரசுக்கு ஆதரவான செய்தி மட்டும் வரும்படியான அல்காரித மென்பொருள்கள் எதிர் குரலை ஒடுக்குவதும் அதிகார வர்க்கத்திற்கு சாமரம் வீசுவதும் இருந்தன. இந்த போக்குகள் வரலாற்று நெடிகளும் நாம் கண்ட ஒன்றுதான். இப்போது டிஜிட்டல் உலகமும் ஐந்தாம் படைவேளையை நுட்பமாக நாகரிகமாக நடத்துகிறது. (இன்றைய ஆளுங்கட்சிக்கு எதிராக கூட இல்லாமல் நடுநிலையாக செயல்பட்டதாக NDTV நிர்வாகிகள் மீது பொய் குற்றச்சாட்டு உருவாக்கி கையகப்படுத்திய பிறகு இன்று குற்றச்சாட்டு நீத்து போய்விட்டது. இதன் பொருட்டு எல்லா ஊடகங்களும் வருமானத்தை இழக்க விரும்புமா? ஆக அந்தர்பல்டியே வாழ்வின் ஆதாரம்.
பாதுகாப்பு என கருதப்பட்ட ஐபோன் பயனாளர்களே கண்காணிக்கும் இஸ்ரேலின் "பெகாஸல்" உளவு மென்பொருள் கொண்டு எதிர்க்கட்சி தலைவர்கள் உள்ளிட்ட பல முன்னணி பிரபலங்களை, பெரு நிறுவன நிர்வாகிகளை இந்திய அரசு கண்காணித்திட அமெரிக்க டிடெக்டிவ் ஏஜென்சி போட்டு உடைத்ததை நாம் அறிவோம். இப்படி அரசாங்கத்துக்கு ஆதரவான நவீன தொழில்நுட்பம் ஆர்ட்டிஃபிஷியல் இன்டெலிஜென்ட் மூலம் ஒவ்வொருவரையும் கண்காணிப்பது அவர்களை வரையறை செய்வது என்று கொடிகட்டி பறந்தது.
எத்தனை நாளைக்கு இந்த கதை ஓடும். நேரடி மக்கள் போராட்டங்களை அதிகாரத்தாலும் காவல்துறை நீதிமன்றத்திலம் கடுமையாகஒ டுக்குகிறது அரசு. அவர்கள் சமூக வலைதளங்களில் தீவிரமான விழிப்புணர்வுகளை ஏற்படுத்தினர். ஆளும் அரசுக்கு ஆதரவான ஊடக ஏக போகத்தை வளர்த்தது அரசு. சமூக அக்கறை கொண்ட பயனாளர்கள் இப் போக்கை புரிந்து கொண்டு பயன்பாட்டை குறைக்க, மார்க் இப்போதைய வடிகட்டிய பொய் உண்மை சரிபார்ப்பு நிலையை கைவிடுகிறோம் என்பதே. எப்போதுமே ஏகபோகம் களவாணிகள் கைவசமே. அரசு ஆதரவான செய்திகளை மட்டும் எல்லோரிடம் கொண்டு சேர்க்கும் உபாயத்தையும், அரசுக்கு எதிரான கருத்துக்களை மறைக்கும் உபாயத்தையும் கையாண்டு வந்த சமூக ஊடகங்களின் வருமானம் குறைய இப்போது... வேறொரு பொய் மூலம் வளம் வரப்போகிறார்கள். இதை புரிந்து கொண்டு நாம் விழி அடைவதற்குள் அடுத்த களவாணித்தனத்தை தயாராக வைத்திருப்பார்கள்.
இனி இவர்கள் வேறு ஒரு தந்திரவுபாயத்தை கையில் எடுத்துக் கொள்வார்கள். அது என்னவென்று தான் புரியவில்லை? தந்திரக்கார மனிதன். அவனுடைய உயர் வகைப்பட்ட சிந்தனை எளிய மக்களை வரலாறு நெடுகிலும் ஏமாற்றிய வருகிறது.
பி.கு:-
los Angel - லாசாகிப் போன தேவதை.
California - காலி முத்திடுச்சி போய்தொல.
(மேலே உள்ள செய்திக்கும், பின்குறிப்பு காட்டுத்தீக்கும் எந்த தொடர்பும் இல்லை)
அப்புறம் - வருங்கால அமெரிக்க அதிபர் டிரம்பு வாழ்க
(இப்படி சொல்லவில்லை என்றால், இந்த செய்தி உங்களுக்கு காட்டப்படாமல் போகலாம்)
கருத்துகள் இல்லை:
கருத்துரையிடுக